Lamkaltu Dal 12 chung i Khrihfabu thlacamnak in thazaang pek kan duh hna.

Herod nih Khrihfabu chungin cheukhat kha a hrem hna i Jeim kha vainam in a thah. Peter cu thong ah a thlak caah Khrihfabu chungmi hna cu Peter caah fakpi in thla an cam.

Thlacamnak nih Pathian kut a cawl ter

Khrihfabu chung zumtu hna nih khan Herod Sph kha an thazaang in rak doh hna sehlaw chik khat teah anmah tu an thi dih hnga. Sihmanhsehlaw, Pathian sinah fakpi in thla an cam tikah Pathian kut a cawl. Vancungmi nih Peter cu a liang in a hninh i a tthangh. Hmakhatte ah Pater kut hrennak thirhri cu an tla i Bawipa vancungmi nih Peter cu thonginn chung khan a chuahpi.

Thlacamnak nih kan ral lak ah daihnak a kan pek

Peter cu ralkap pahnih karlak ah an ih ter i thirhri in an hren chih. A hawittha James kha vianam in an thah. Amah zong Herod kut in thihnak nih a hngah ko nain daite in aa hngilh ko. Zumtu hna thlacamnak nih harnak chungin daihnak a pek.

Zumtu thlacamnak nih zumlotu zong khuaruah a har ter

Thonginn cawngtu hna cu Peter zeitindah a luat i khuazei ahdah a um? Kutka aa hrenh ko fawn tiah an khuaruah a har tuk.

Zumtu hna kan teinak hriamnam ttha bik cu thlacamnak a si. Zumhnak in thla kan cam ahcun kan cungah Pathian kut a cawl lai i luatnak kan hmu lai, thinlung daihnak kan ngei lai.

A reltu dihlak Bawipa nih thlacam nun in ngeih ter hram hna seh.