Jesuh zumtu poah cu zungzal nunnak a co tingmi kan si ( Johan 3:16). Zungzal nunnak a cotingtu zumtu poah nih vancung pennak belte kan pemh dih lo. A pemhmi an um bantuk in a rak pemh rih lo mi an um ve.
Job cu a fale an thihnak le a zuat mi satil vialte an lo tlau dih ti thawng a theih tikah hi ti hin Pathian sin ah a ti,“ Bawipa nih a ka pek, Bawipa nih a lak than; Bawipa min cu thangthat si ko seh,” tiah a ti ( Job 1:21). Vancung pennak nun a pemhmi hna nih cun a pakhatnak ah “zei thil poah hi Bawipa nih a kan pek mi a si” tiah an theih. Pahnihnak ah “ an ngeihmi suingun chawva an sungh tikah maw asiloah ngaihchiatnak ( thihnak) an ton caan ah Bawipa nih a lak than mi a si ti nun an pemh. A pathumnak ah an pemhmi cu , zei thil poah an cung a tluk tikah “ Bawipa an thangthat kho.”
Vancung pennak nun a pemh mi hna nih cun Khua-awng an pemh ruang,thluachuahnak an co ruang ,an hlawhtlin ruang le an dam ruang ah Bawipa an thangthat mi si lo in thangthat awk a tlak mi le biak awk a tlak mi Pathian a si ruang tu ah an thangthat le kan biak hi a si.
Vancung pennak a pemhmi hna nun ahcun thil an ton mi , an cung ah a tlungmi thil vialte nih Pathian he an i pehtlaihnak ah a donkhan hna lo. Pathian an zumhnak tu, fek hleikhun in hram an bunh.
Bawipa ser piak mi ni sunglawi ah vancung pennak nun pemh bu in kar a hlang kho mi kan si khawh nakhnga Bawipa nih a Bia thluachuahnak kan pek piak ko seh.