No comments yet

Pathian Nih A Kan Hngalh Dih

“Bawipa, na ka zoh dih hirhiar i na ka hngalh dih cikcek! Ka tuah mi vialte cu na hngalh dih, lamhlatpi khin ka ruahnak vialte cu na hngalh dih ko hna. Rian ka ṭuan ah siseh, kaa dinh ah siseh, na ka hmuh, ka tuah mi vialte kha na hngalh dih. Ka chim hlan in ka chim ding vialte kha na hngalh dih.” Salm 139:1-4

 

Salm caṭialtu pa nih Pathian sining a van langhter:

Bawipa nih cun a ka zoh dih hirhiar i a ka hngalh dih cikcek a ti. Minung nih kan dawtmi hna le hnakkar ah kan tanhmi hna cu kan zoh/ngiat tawn hna i an konglam kan ruah tawn hna. An sining hngalh dih kan izuam tawn. Cu bang cun vaw le vawlei sertu Pa Pathian nih nifatin kan nun hi a zoh dih hirhiar i a kan hngalh dih cikcek. Bawipa nih zohmi, hngalhmi si cu mithluachuak kan si.

 

Cu lawng hlah; kan tuahmi, ruahmi, chim dingmi vialte zong a hngalh dih. Zeiruang ahdah cu tluk cun a kan hngalh hnga? Kan konglam a ruah tuk caah a si ko. A kan dawt tuk caah a si ko.

Zeitluk in dah a hnakkar ah a ka tenh?

Rian kan ṭuan lio ah siseh, kan i dinh lio ah siseh a kan hmuh. A mit hi kan cung in a ṭhial lo. A kan ven. Bawipa caah kan sunglawi tuk.

 

Cucaah tuni kan rianṭuan, dinhnak cio ah Bawipa nih a ka hmuh, hngalh, ven ko ti cu philh hin hna hlah usih. Mah cucu kan hnangamnak si ko seh.

 

Pathian daihnak nan dihlak cungah um ko seh.