“Amah lawnglawng hi a ka hupphengtu le khamhtu a si, amah cu ka ralhruang a si i ahohmanh nih an ka tei bal lai lo. Khamhnak ka hmuh mi le upatnak ka hmuh mi cu amah thawng lawnglawng in a si; amah cu a ṭhawng mi lungpi ka himnak a si.” Salm 62:6-8

David cu a chungchuak fapa Absalom nih a doh tikah lungrethei le ngaihchia ngaiin Jerusalem cu a chuah tak lio caan ah Salm 62 hi a ṭial. A dawt tuk mi a fapa nih van doh cu a caah a har hringhran ko lai. Harnak fak piin a ton lio caan ah David nih a tuahmi thil cu:

1. Pathian sin lawnglawng ah a ruahchannak a chiah
2. Pathian kut chungah zeizong vialte a um ko i amah nih a kan khamh ko lai ti in lungsau tein a hngah
3. Himnak hi kan tonmi harnak a dih ruangah kan hmuhmi siloin Pathian cung ah ruahchannak kan ngeihmi chungin kan hmuh
4. Pathian lawnglawng hi a ka hupphengtu le khamhtu a si

Dohnak le harnak a ton lio caan ah a fapa kong le a tonmi harsatnak kha ruat lem loin Pathian kong tu a ruahnak nih thazaang a pek i ruahchannak nung a ngeihter.

Zumtu kan nunnak ah a biapi ngaingai mi cu kan tonmi harnak kong lawngte ruahnak nih lungretheihnak lawng a chap ko, sihmanhselaw Pathian dawtnak le khamhnak kong kan ruahnak nih thazaang a kan pek i ruahchannak nung a kan ngeihter.

Pathian daihnak na cungah um ko seh.