No comments yet

PATHIAN ṬHATNAK THANGṬHAT

PATHIAN ṬHATNAK THANGṬHAT

Ahohmanh thangṭhat a duh lo mi kan um lo. Sihmanhselaw thangṭhat tlak kan si bal a tlawm. Kan Pathian tu cu thangṭhat a tlak zungzal. Amen.

Salm 107 chungah Pathian ṭhatnak thangṭhat tlak a sinak kan zoh hna lai:

  1. Bawipa cu a ṭha

“Bawipa cu thangṭhat tuah u, zeicahtiah amah cu A ṬHA.” Salm 107:1

 

  1. A fekmi a DAWTNAK cu zungzal in a hmun

“a fek mi a dawtnak cu zungzal in a hmun.” Salm 107:1

 

  1. Kan HARNAK chungin a kan KHAMH

“an harnak chung cun Bawipa kha an auh i an harnak chung khan a khamh hna.” Salm 107:6

 

  1. Kan cungah thil ṭha a TUAH i a dawtnak cu a fek

“Bawipa cu, an cung i thil ṭha a tuah mi caah khan le a fek mi a dawtnak ruangah khan, an thangṭhat hrimhrim awk a si.” Salm 107:8

 

  1. Kan ti haal a RIAMH TER i kan paw a KHIM TER

“Ti a haal mi kha an ti haal a riamh ter hna i rawl a ṭaam mi kha thil ṭha in an paw a khim ter hna.” Salm 107:9

 

  1. Kan harnak le TEMH INNAK chung khan a kan KHAMH

“An harnak chungin Bawipa kha an auh i temhnak an in mi chung cun a khamh hna.” Salm 107:13, 19, 28

 

  1. A kan damter i THLAN chungin a kan KHAMH

“A nawlbia in a dam ter hna i thlan chungin a khamh hna.” Salm 107:20

Biadonghnak ah “a fim mi nih cun hi thil hi ruat hna seh. Bawipa dawtnak fek cu ruat zungzal hna seh,” Salm 107:43 tiah a kan ti.

Tuni cu Pathian ṭhatnak le a fekmi a dawtnak kong cu ruat cio hna usihlaw thangṭhat tlak Pathian a sinak nih ruahchannak nung le lunglawmhnak a kan pek ko lai.

Pathian daihnak nan dihlak cungah um ko seh.