Minung kan nunnak ah a sunglawimi le man ngeimi ah kan ruahmi hna cu ṭha tein kan kilkawi hna i kan zohkhenh hna, cun kan upat hna. Kan khuaruahnak hna le kan lungthin hna cu kan ca hrangah a sunglawimi thil le minung cungah kan chiah dih. Harnak an ton ding zong kan siang hna lo i lohtlauter zong kan siang hna lo.

Cu ve bantukin nang le kei zong kan Pathian nih hin hi vawlei nih a chuahpimi ṭihnak hna le harnak hna le dam lonak hna ruang men ah hin kan nun tlau lai hi a kan siang hrimhrim lo. Cucaah Pathian nih Khrih chungah kan zumhnak thawngin sakchihmi lung, lung santlai mi ah a kan ser.

• Kanmah luatnak man cu a sungmi thi,dotlak lonak zeihmanh a ngei lomi tuufa thi bantuk, Khrih thi kha a si. 1Pet.1:19 Khrih thisen thawngin ṭihnak in kan luat, harnak chungah in khawhnak le teinak ṭhawnnak a kan pek.
• Jesuh Khrih thawngin kan hmuhmi zumhnak tlukin a sunglawimi a um ti lo. 2Pet.1:1 Kan Zumhnak thawngin zungzal nunnak kan co.
• Khrih vel thawngin nang le kei zong a nungmi lung sinak kan co i,Khrih sunparnk petu ding ah khamh kan si. 1Pet.2:3-6. Cu Zumhnak chungah cun lung donghnak a um ve ti lo. Amen.

Jesuh Khrih chungah a um mi hna caah cun ṭihnak a um ti lo i, vawlei harnak chungin ruahchannak thar kan ngei zungzal.Ni hin i kan khua caan hna hi kanmah nih kan tleihkhawh mi sihmanh hlah seh law, a uk khotu, a zohkhenh khotu Pathian bochan ding kan ngei. Kan hmailei kong thei kho hmanh hlah usih, ṭha tein a kan theih piak i kan ca hrangah a ṭha bik in khua a kan khan piaktu Pathian kan ngei. A va sunglawi hringhren dah.
“Nathin phang hlah – na sinah ka um ko, Keimah cu naPathian ka si – zeihmenh tih hlah. Kan thawnter lai I kan bawmh lai; kan huhphenh lai I kan khamh lai.” Isaiah 41:10

Bawipa nih thluachuahnak he lam in hruai ko hna seh.